كلمات للاستاذ عمرو خالد فى السعادة الزوجية
كلمات للاستاذ عمرو خالد فى السعادة الزوجية
ياعريس عروستك امانة هتتسأل عنها
عرفها معنى الدين حفظها قرآنها
معنى العفاف والصون جوة الحجاب زانها
محلى حياتكوا سوا فى ظل شرع الله
وابنى معاها البيت عالتقوى والسنة
دا طريق ضمانه اكيد وآخرته الجنة
وافتكره مهما حييت هتعيش وتتهنا
وتنول رضا مولاك فوق اللى تتمناه
وحسن العشرة دى وصاك بيها رسول الله
عدل وصبر وشفقة ورحمة ولين واناه
واللى بيعمل سنة سيده قول ياهناه
جوة الجنة ويا صحابته هيتلقاه
واوعاك تيجى فيوم تسألها حقى فين
حقك دوة انت ياخويا جيبته منين
والله قريتلك آية وحكمة على حديثين
اسمع يابنى هى نصيحة اسمعها منى لوجه الله
اعمل واجبك واكتر حبة بالمعروف
يوصل حقك واكتر منه وبكرة تشوف
وتبقى البصلة مادام بمحبة فعينكوا خروف
ويدوم بينكوا الحب الأصلى مادام فى الله
وارضى حماتك تلقى مراتك ترضى ابوك
وأكرم اهلها تكرم اهلك واللى جابوك
أسمع يابنى مادام حبيتهم هيحبوك
أصل الحب دا من إسلامنا اتعلمناه
وانتى ياسيتى دول وصايا خديهم ليكى
دينك قالك جوزك ليه مية حق عليكى
كونى له عبدة يكونلك عبد مابين ايديكى
أمال يعنى سجودك له دا ايه معناه
وخلى حياتك وقف لجوزك ولأولادك
واوعك تسمعى اى كلام يقولوه حسادك
بيتك هو يابنتى جهادك واستشهادك
مهما قالوا ووجعوا دماغك بالمساواة
للداعية عمرو خالد
__________________